أعدد من غير علم زوجتي؟

كنا زمان بنسمع سؤال يقولك: (أعدد من غير علم زوجتي؟)
دلوقتي السؤال بقى: (أعدد من غير علم خطيبتي؟)
وبيكون لسه مخطبش أساسًا
ياجماعة الخير....اللي بيفكر في موضوع التعدد على إنه تمام لرجولته ووضعه الإجتماعي بين أصحابه ولزوم الفشخرة وكده...(أرجوك...كُن رَجُلًا...التعدد مش كده)
التعدد له أحكام تكليفية تجري عليه كما للزواج أحكام تجري عليه...قد يكون مباحًا أو واجبًا أو مَندوبًا أو مكروهًا أو قد يكون حرامًا
تحديد وضعك في التعدد خليه بعد تجربتك الأولى
ممكن تتفاجئ إنك صرفت نظر عن الموضوع خالص بعد أول تجربة
ممكن تتفاجئ إن كتالوج زوجتك الأولى اللي مش عارف تفك شفراته صَرَف نظرك عن الزواج خالص
مينفعش تدخل بيت وتقوللهم: (بقولِك إيه؟أنا ناوي أتزوج عليكي)
التعدد دا شئ خاص بيك إنت مش محتاج فيه إستئذان..ولو كنت تزوجت وهو مش في دماغك وطرأ عليك اعمله عادي مش محتاج إستئذان...ولا يُعَد ظلمًا للزوجة أصلًا
ولو قالتلك ليه معرفتنيش قبل الزواج قوللها: (دي حاجة مش بتاعتِك..وكنت حابب أحافظ على سلامِك النفسي)